Weslander is ‘n weeklikse streekkoerant wat sedert 1972 die mense in sy verspreidingsgebied ingelig hou oor plaaslike nuus en die nuutste verwikkelinge in die streek.

Ons versprei in Vredenburg, Saldanha, Langebaan, St Helenabaai, Hopefield, Paternoster, Velddrif, Elandsfontein, Lambertsbaai, Piketberg, Porterville, Aurora, Redelinghuys, Moorreesburg, Yzerfontein en Darling.

Die koerant se laaste ABC-syfers wys ‘n weeklikse verkoopsyfer van sowat 10 200 en dus ‘n beraamde lesertal van sowat 40 000.

Hoewel deel van die Media24-groep, staan Weskus Media op sy eie bene en berig onafhanklik oor die sake wat sy lesers raak. Die weeklikse inhoud sluit in algemene nuus, misdaad, mense wat ‘n verskil maak, skolenuus, vermaak en kuns, sport, briewe, sosiale blaaie en sakenuus (ingesluit geklassifiseerde, eiendoms- en vakature advertensies).

Die koerant handhaaf ‘n hoë standaard van inhoud en het ‘n lewendig, kleurvolle uitleg. Toekennings vir uitmuntende joernalistiek word gereeld gewen.

Ons is aanlyn te kry by http://www.netwerk24.com/ZA/Weslander

Sosiale media: Facebook Weslander; Twitter @WeslanderMedia

Kom besoek gerus ons kantore by Velddrifweg 26, Vredenburg of bel ons by 022 713 1251 of 082 576 0453.